احتلام
نیند کے دوران جنسی لطف کی انتہا کو پہنچنا احتلام کہلاتا ہے۔ ایسی صورت میں صبح کپڑوں پر منی کے اثرات ہوتے ہیں، اس لئے اسے گیلا خواب بھی کہتے ہیں۔
استقرار حمل
حمل کا آغاز ہونا، جس میں انڈہ بچہ دانی کی اندرونی سطح سے جڑجاتا ہے اور جنین (fetus)بننے کا عمل شروع ہوجاتا ہے۔
اسقاط حمل
آپریشن یا طبی طور پر دی جانے والی گولیوں کے ذریعے حمل ختم کرنے کا ایک طریقہ
انزال
عضو تناسل سے منی کاخارج ہونا۔اسے ’’چھوٹ جانا‘‘ بھی کہتے ہیں۔

ایڈز
ایسی طبی حالت جس میں جسم کا مدافعتی نظام(جسم کا وہ نظام جو بیماریوں کے خلاف کام کرتا ہے) درست طور پر کام نہیں کرتا۔
ایمبریو (embryo)
بارآوری سے دو ہفتے بعد سے ساتویں یا آٹھویں ہفتے کی مدت میں بننے والا آرگینیزم
بار آوری
جب جنسی ملاپ کے دوران منی کا جرثومہ انڈے میں داخل ہوتا ہے اور ایک نیا خلیہ بنتا ہے جو آخر کار جنین (fetus) بن جاتا ہے۔
بانجھ
کوئی ایسی عورت جو حاملہ نہ ہو سکے یا کوئی ایسا مرد جو کسی عورت کو حاملہ نہ کر سکے۔
بچہ دانی
یہ ایک کھوکھلا عضلاتی زنانہ عضو ہے، جس میں عام طور ایک بارآور انڈہ جڑجاتا ہے اور اس میں بڑھتے ہوئے ایمبریو کو غذا حاصل ہوتی ہے۔
بچہ دانی کا نکال دینا
اس آپریشن میں مکمل بچہ دانی نکال دی جاتی ہے۔یہ آپریشن پیٹ کی کھال میں چیرا لگا کر یا فرج کے راستے کیا جاتا ہے۔
بظر(clitoris)
یہ ایک چھوٹا سا گوشت کا لوتھڑا ہوتا ہے، جس کی بناوٹ مٹر کے دانے کے برابر ہوتی ہے۔ یہ عورتوں میں پیشاب کی نالی سے قدرے اوپر واقع ہوتا ہے۔ یہ جنسی ملاپ کے دوران بہت حساس ہوجاتا ہے اور مسلنے سے اس میں خون بھر جاتا ہے۔ اسے مردوں کے عضو تناسل سے مماثلت رکھنے والا عضو خیال کیا جاتا ہے۔
بکارت
فرج کے دہانے کو ڈھکنے والی باریک جھلی پردہ بکارت کہلاتی ہے، یہ جھلی عموما پہلے جنسی ملاپ کے موقع پر ختم ہو جاتی ہے۔ اسے عموما کنوارپن کی علامت سمجھا جاتا ہے۔ جبکہ عین ممکن ہے کہ یہ بچپن میں ہی کھیل کود کے دوران ختم ہو جائے۔
بلوغت
جنسی طور پر بالغ بنانے والی جسمانی تبدیلیاں
بیضہ – انڈہ
زنانہ تولیدی خلیہ جو بار آوری کے بعد کچھ بنیادی مراحل سے گزر (embryo)کر جنین(fetus) بن جاتا ہے۔
بیضہ ریزی
بیضہ دانی سے تکمیل شدہ انڈے کا خارج ہونا۔
جنین (fetus)
بچہ دانی کے اندر پرورش پانے والا بچہ جنین کہلاتا ہے۔
حشفہ یا عضو تناسل کا غلاف
یہ ڈھیلی کھال کا ایک غلاف ہوتا ہے جو قضیب (عضو تناسل کا سرا)کو ڈھانپتا ہے۔
حمل ٹیسٹ
اس ٹیسٹ کے ذریعے حاملہ ہونے یا نہ ہونے کاعلم ہوجاتا ہے۔
خود لذتی
جنسی لطف حاصل کرنے لئے اپنے جنسی اعضاء کو رگڑنا، تھپتھپانا یا چھونا۔ اسے ’’جلق‘‘ بھی کہا جاتا ہے۔
دخول
میاں بیوی کے ملاپ کے دوران عضو تناسل کا کم از کم حشفہ کی مقدار فرج میں داخل ہونا، دخول کہلاتا ہے۔
ذَکر – عضو تناسل
سلاخ نما عضو جو مردوں کے جسم سے باہر لٹکتا ہے۔اسے ’’آلہ‘‘ ، ’’ہتھیار‘‘ اور ’’آلت‘‘ بھی کہا جاتا ہے۔
زیر ناف بال
مردوں اور عورتوں کے جنسی اعضاء پر اگنے والے بال
ضعف ایستادگی
عضو تناسل میں تناؤ نہ پیدا ہونا، جنسی ملاپ کے لئے،عضو تناسل میں مستقل طور پر مطلوبہ تناؤ کاپیدا نہ ہونا۔ اسے عام طور پر نامردی بھی کہا جاتا ہے۔
طہر
دو حیضوں کی درمیانی مدت کو طہر (یعنی پاکی کی حالت) کہتے ہیں، جو کم از کم 15 دن ہوتی ہے۔
عزل
اس طریقے میں عضو تناسل کو انزال سے پہلے فرج سے باہر نکال لیا جاتا ہے۔ اس صورت میں حمل کا امکان نہایت کم ہو جاتا ہے۔
عضو تناسل کا تناؤ
عضو تناسل کی بیداری یعنی عضو تناسل میں سختی پیدا ہونا۔اس ’’کھڑا ہونا ‘‘ بھی کہا جاتا ہے۔
فرج
بچہ دانی کے منہ سے ،فرج تک آنے والی نالی
فرج کا دہانہ
عورت کے بیرونی جنسی اعضاء
فرج کی سوزش
فرج کی اندرونی دیواروں کی سوزش، جو خمیر یا کسی اور آرگینیزم کی وجہ سے پیدا ہوتی ہے۔ اس کی علامات میں ،فرج میں درد ،خارش یا ناگوار بو کا پیداہوناشامل ہیں۔
کنڈوم
کنڈوم لیٹکس ربر کی پتلی شیٹ سے بنا ہوتا ہے اور اسے تنے ہوئے عضو تناسل پرپہنا جاتا ہے۔ کنڈومز ،جنسی طور پر منتقل ہونے والے انفکشنز اور غیر مطلوبہ حمل سے بچاؤ فراہم کرتے ہیں۔
لب
فرج کے منہ پر پائے جانے والے ’’ہونٹ نما‘‘ بناوٹ
مانع حمل
ضبط ولادت ۔ ۔ ۔ حمل روکنے کے طریقے
ماہواری
ماہواری کا دورانیہ یعنی انڈے خارج ہونے کا عمل اور ماہانہ ایام کا ہونا۔ اسے ’’مہینہ ہونا‘‘، ’’ایام ہونا‘‘یا ’’شروع ہونا‘‘ بھی کہا جاتا ہے۔
مباشرت
جنسی ملاپ کے لئے فرج میں ذکر / عضو تناسل کو داخل کرنا مباشرت کہلاتا ہے۔
مثانے کی سوجن
اس کیفیت میں مثانے میں سوجن واقع ہو جاتی ہے۔
مسے
مقعد کے گرد خون کی نالیوں میں پھیلاؤ اور سوجن کی وجہ سے تکلیف دہ کیفیت پیدا ہوجاتی ہے، جس سے بعض اوقات خون اور رطوبت کا اخراج ہوتا ہے۔
منی
عضو تناسل سے خارج ہونے والی رطوبت
منی کا جرثومہ
مردوں کے جسم میں بننے والا تولیدی خلیہ جو انڈے سے ملنے کے بعد حمل قرار پانے کا سبب بنتا ہے اور پھر یہ ایمبریو بن جاتا ہے۔‌‌
ہارمونز
دماغ سے خارج ہونے والے کیمیائی رطوبتیں
Customer Service (Pakistan) +92-313-99-77-999
Helpline +92–30-40-50-60-70
Customer Service (UAE) +971-5095-45517
E-Mail [email protected]
Dr. Hakeem Muhammad Irfan Skype ID alshifa.herbal

Leave a Reply

Your email address will not be published. Required fields are marked *