خواص رائی، خردل، سرسوں
خواص رائی، خردل، سرسوں
Mustard
دیگرنام : یہ ایک مشہور پودا ہے جو سفید سرسوں کے پودے کی طرح ہوتا ہے اور لگ بھگ ہر علاقہ میں پیدا ہوتی ہے۔ یہ پودا تین چار فٹ بلند ہوتاہے۔رائی کو موسم ربیع میں بویاجاتاہے۔ اس کاپتہ سرسوں یا مولی کی طرح کھر درے روئیں والاہوتاہے۔جن کا ذائقہ تیز ہوتاہے۔رنگ سبز ہوتا ہے۔ تخم سرسوں کی پھلیوں کی طرح پھلیاں ہوتی ہیں جن میں سیاہ یا لال رنگ کے تخم بھرے رہتے ہیں پھلیوں میں تین سے پانچ بیضوی بیج ہوتے ہیں ان میں تقریباً بیس سے تیس فیصد تیل ہوتاہے۔یہ تخم ہی بطور دواًاستعمال ہوتے ہیں جن کا ذائقہ تلخ و تیز چرپرا ہوتاہے۔ پھول سرسوں کے پھولوں کی طرح زرد رنگ کے ہوتے ہیں
مقام پیدائش : پاکستان میں خصوصاًپنجاب اور سندھ بھارت کے علاوہ مشرقی ایشیاء اور امریکہ وغیرہ میں پیدا ہوتی ہے
مزاج : گرم خشک درجہ چہارم
افعال : محمر، جالی، محلل، آبلہ انگیز یہ یادرکھیں کہ پہلے سوزش پیدا کرتی ہے بعد میں مسکن درد ہے
افعال : محرک باہ ،ہاضم طعام ،محلل اورام ،طحال مگر زیادہ مقدارمقئ ہے
بیرونی استعمال : مسکن ومحلل جالی ومحمر ہونے کی وجہ سے ذات الریہ ذات لجنیب عرق النساء وجع المفاصل اورنقرس میں دیگر ادویہ کےساتھ تیل بنا کر ضماد لگاتے یامالش کرتے ہیں درد معدہ دردجگر اور درد طحال میں اس کی پٹی لگاتے ہیں سردی کی وجہ سے احتباس حیض کو دور کرنے کیلئے اس کے آب زن میں مریض کو بٹھاتے ہیں ۔محمر اور منقط تاثر کرنے کی وجہ سے داد برص اور داء لثعلب جیسے امراض میں ضماد کرتے ہیں نیز امراض باردہ اور خنازیر کو دور کرنے کیلئے ا س کا ضماد لگاتے ہیں اس کے جوشاندے سے ورم زبان اور دانت درد میں غرغرے کراتے ہیں ۔طب میں عموماًرائی کا پلستر استعمال ہوتاہے
اندرونی استعمال : ورم طحال میں بطور سفوف کھلاتے ہیں غذا کو ہضم کرنے اور ضعیف اشتہا کو زائل کرنے کیلئے غذاؤں میں شامل کرتے ہیں ۔خصوصاًرائی کے بیجوں کو اچاروں میں ملاتے ہیں یا بیجوں کو سفوف شامل کرتے ہیں ۔معدے سے بلغم کو خارج کرنے اور بعض زہروں کے اثر کو زائل کرنے کیلئے بطورمقئی گرم پانی میں ملاکر پلاتے ہیں رائتہ میں ملاکر کھانارائتہ کو لذیز اور ہاضم بنا دیتاہے
ورم طحال کا بہترین نسخہ
نسخہ الشفاء : رائی 20 گرام، نوشادر 20 گرام، سہاگہ بریاں 20 گرام
ترکیب تیاری : تمام ادویہ کو پیس کر باریک سفوف بنا کر رکھ لیں
مقدارخوراک : آددھا چمچ چائے والا صبح رات کھانے کے آدھا گھنٹہ بعد پانی کیساتھ پندرہ دن سے ایک ماہ کھائیں
حلق کی خراش میں اس کے تیل میں روئی کی پھریری ترکرکے گلے کے اندر لگانا حلق کی خراش اور ورم میں مفید ہے۔احتباس حیض اور عسر حیض میں میٹھی بھر پسی ہوئی رائی گرم پانی میں ڈال کر اس میں مریضہ کو بٹھاتے ہیں
رائی کا تیل : جو رائی کے بیجوں کو کولہومیں دباکرنکالا جاتاہے۔ رائی کا تیل ہاتھ پاؤں اور ناک پرملنا زکام میں مفید ہے۔ اس کی مالش محمر ہونے کی وجہ سے خارش کھجلی اورعصبی امراض مثلاًنقرس گٹھیا اور مذکورہ امراض میں مفیدہے
فوائد خاص : محلل محمر و ہاضم غذا
مصلح : روغن بادام وسرکہ
مضر : عطش پیداکرتی ہے
بدل : حب الرشاد
مقدارخوراک : ایک سے تین گرام تک
نسخہ طلاء برص کے لیے
نسخہ الشفاء : ایک عدد سانپ کا سر جو بلکل ثابت ہو اور چار عدد کالے بچھو، 250 گرام سرسوں کا تیل تینوں چیز یں کسی روغنی یا شیشے کے برتن میں ڈالکر مضبوط بند کرکے پانی سے محفوظ جگہ پر زمین میں دفن کریں چالیس روز بعد نکال کر اس تیل کو برص والی جگہ پر مالش کریں اس سے مکمل فائدہ ہوگا
نسخہ برائے چنبل
نسخہ الشفاء : تیل سرسوں 50 گرام، حرمل 25 گرام، تھوم 5عدد تُریاں، نیلاتھوٹھا 2رتی
ترکیب تیاری : تینوں اجزاء کو پیس کر تیل میں ملا کر مرہم بنائیں
فوائد : چنبل کی لاجواب مرہم ہے
دواء خود بنا لیں یاں ہم سے بنی ہوئی منگوا سکتے ہیں
میں نیت اور ایمانداری کے ساتھ اللہ کو حاضر ناضر جان کر مخلوق خدا کی خدمت کرنے کا عزم رکھتا ہوں آپ کو بلکل ٹھیک نسخے بتاتا ہوں ان میں کچھ کمی نہیں رکھتا یہ تمام نسخے میرے اپنے آزمودہ ہوتے ہیں آپ کی دُعاؤں کا طلب گار حکیم محمد عرفان
ہر قسم کی تمام جڑی بوٹیاں صاف ستھری تنکے، مٹی، کنکر، کے بغیر پاکستان اور پوری دنیا میں ھوم ڈلیوری کیلئے دستیاب ہیں تفصیلات کیلئے کلک کریں
فری مشورہ کیلئے رابطہ کر سکتے ہیں
Helpline & Whatsapp Number +92-30-40-50-60-70
Desi herbal, Desi nuskha,Desi totkay,jari botion se ilaj,Al shifa,herbal