جر یان منی کے نقصانات

جر یان منی کے نقصانات
جماع کی خواہش کے بغیر پیشاب یا پا خانہ کرتے وقت یا ان کے بغیر بھی بلا ارادہ منی مذی یا ودی کے اخراج کو جریان کہتے ہیں
اسباب: خیالات فاسد،محرکات اور گرم اشیاء کا بکثرت استعمال منی کی حدت،منی کا پتلا ہونا،منی کی کثرت،منی کی تھلیوں کا تشنج،جلق،اغلام،کثرت جماع،مختلف عورتوں سے جماع کرنا،سوزاک،گھوڑے یا سائیکل کی کثرت سے سواری کرنا،کثرت احتلام
،پیٹ میں کیڑے ہونا،ضعف گردہ،قبض،کثرت شہوت جماع،حرام مغز کی خراش،عضوخاص کا لمبا ہونا اور عدم صفائ،مثانہ اور پیشاب کی نالی کی خراش،بواسیر،کمزوری معدہ،پتھری کی شکایت،علاوہ ازیں وہ تمام امور اس کے اسباب میں شامل ہیں جن کو ذکاوت حس اور احتلام کہا جاتا ہے
علامات جریان منی
پیشاب پاخانہ کرتے وقت یا یوں ہی منی کےقطرے پیشاب کی نالی سے خارج ہوتے رہتے ہیں مریض کمزور ہو جاتاہے،سستی نا طاقطی اور پست ہمتی پیدا ہوجاتی ہے، درد کمر،ران سر،درد سر،بھولنے کی بیماری،ضعف دماغ،اور ضعف اعصاب کی شکایت ہو جاتی ہے،مر یض متفکر اور چڑچڑا ہو جاتا ہے،جب مرض ترقی کرتا ہے تو سرعت انزال کی شکایت ہو جاتی ہے اور مباشرت میںلطف نہیں آتا،آنکھوں کے گرد سیاہ حلقے پڑجاتے ہیں،ہاضمہ خراب ہو جاتا ہے خیالات کی یکسوئی جاتی رہتی ہے،طبیعت پرخوف اور مایوسی کاغلبہ ہو جاتا ہے،ضعف باہ لاحق ہوجا تا ہے اگر منی کی حدت اس مرض کاباعث ہوتو منی پتلی اور ذردی مائل خارج ہوتی ہے،انزال کے بعد پیشاب کی نالی میں سوزش محسوس ہوتی ہے اور پیشاب بھی جل کرآتا ہے اگر منی کی رقت کے سبب سے یہ شکایت ہو تو منی رقیق اور ذردی مائل خارج ہوتی ہے انزال کے بعد پیشاب کی نالی میں سوزش محسوس ہوتی ہے اور پیشاب بھی جل کر اتاہے اگر منی کی رقت کے سبب سے یہ شکایت ہو تو منی کاقوام پتلا اور رنگ سفید ہوتا ہے اور اس میں حیوانات منویہ کی تعداد کم اور رطوبت کی مقدارزیادہ ہو تی ہے اگر جلق،اغلام،کثرت جماع،قبض،خیالات فاسدہ،ضعف گردہ اور سوزاک وغیرہ،کی شکایت کے سبب سے یہ مرض
لاحق ہوا ہو توان کا تقدم اس مرض پر شاہد ہوگا
جریان مذی
جریان مذی کی صورت میں مذی کے قطرات معمولی شہوانی خیالات اور ذرا سی چھیڑ چھاڑ سے خارج ہونے لگتے ہیں اور
یہ قطرات بلا ارادہ پیشاب پاخانہ کرتے وقت یا یوں ہی خارج ہوتے رہتے ہیں اور یہ شکایت خاص طور پر سرعت انزال کا باعث ہوتی ہے جرجان مذی سے اتنا زیادہ ضعف نہیں پیدا ہوتا جتنا جریان منی سے ہوتا ہے لیکن یہ شکایت اگر زیادتی اختیار کرے اور عرصہ تک قائم رہے تو ضعف باہ اور ضعف اعصاب کا موجب ہوتی ہے

الكحل كے نقصانات

الكحل كے زہریلے اثرات جب آپ الكحل پیتے ہیں تو یہ معدے اور چھوٹی آنت كے بالائی حصے سے جلد ہی دوران خون میں جذب ہو جاتی ہے۔ یہ جذب شدہ الكحل جگر سے گذرتی ہے اور اس كے بعد دوران خون كے ذریعے جسم كے تمام اعضاء میں پہنچ جاتی ہے۔اگرچہ جسم كی بہت سی بافتیںالكحل كی شكست و ریخت كرسكتی ہیں، یہ عمل زیادہ تر جگر میں وقوع پذیر ہوتا ہے، جہاں پر الكحل آخر كار پانی اور كاربن ڈائی آكسائیڈ میں تبدیل ہو جاتی ہے۔كاربن ڈائی آكسائیڈ پھیپھڑوں كے ذریعے خارج ہو جاتی ہے۔ كیونكہ جگر الكحل كی سب سے زیادہ مقدار كا سامنا كرتا ہے یہ ان اعضاء میں سے ایك ہے جن كو الكحل سے نقصان پہنچنے كا سب سے زیادہ احتمال ہے۔

الكحل كے زہریلے اثرات جسم كے دوسرے اعضاء پر بھی ہوتے ہیں مثلا دماغ، دل، عضلات ﴿پٹھے﴾ اور لبلبہ ۔كثرت سے شراب نوشی كرنے والے تقریباً سبھی افراد میں جگر كی بیماری كا پہلا مرحلہ دیكھنے میںآتا ہے ، جسے چربی سے بھرا جگر كہتے ہیں۔ یہ الكحل كی پانی یا كاربن ڈائی آكسائیڈ كی شكست و ریخت كا ایك ضمنی اثر ہے۔اگر كثرت شراب نوشی بند كر دی جائے تو جلد ہی جگراپنی پہلی حالت پر بحال ہو جاتا ہے۔اگر شراب نوشی كی كثرت جاری رہے تو 20 سے30 فیصد افراد میں جگر كی بیماری كا اگلا مرحلہ ہونے كااندیشہ ہے جسے جگر كی سوزش کہتے ہیں

(Alcoholic Hepatitis)
انتہائی صورتوں میں جگر كی ناكامی سے مریض كا انتقال ہو سكتا ہے۔مریضوں كی ایك كم تر تعداد ﴿تقریباً10 فیصد﴾ میں مستقلاًداغ زدہ جگر كی بیماری ہو سكتی ہے جسے جگر كا سروسس كہتے ہیں۔

اس بات كی وجہ معلوم نہیں كہ كچھ شراب نوشوں میں بیماری چربی زدہ جگر كے مرحلے پر كیوں رك جاتی ہے۔جبكہ دوسرے افراد میں جگر كی سوزش اور جگر كا سروسس زیادہ دیكھنے میں آتے ہیں۔یہ امربہرحال واضح ہے كہ جتنی زیادہ شراب پی جائے تو جگر كی بیماری كے بڑھنے كا امكان اتنا ہی زیادہ ہے حالیہ شواہد كے مطابق یہ اامكان پیدا ہوتا ہے كہ موٹاپا اور كچھ موروثی عوامل الكحل سے نقصان كے امكانات كو بڑھا سكتے ہیں۔

الكحل كے دیگر نقصانات

كثرت شراب نوشی سے مندرجہ ذیل بیماریاں بھی ہو سكتی ہیں:معدہ كی بیماریاں ، لبلبہ كی سوزش اور نتیجتاً ذیابیطس كی بیماری، بلند فشار خون ﴿ ہائی بلڈ پریشر﴾ دل كے پٹھوں كو نقصان اور دل كافیل ہونا ،فالج، دل كی دھڑكن كی بیماری ﴿ردھم ڈسٹربنس﴾ ،دل كی بیماری كی وجہ سے اچانك موت، حیاتیات ﴿وٹامنز﴾ كی كمی ،جنسی مشكلات ،دماغ پر اثر، یاسیت ﴿ڈپریشن﴾بازئووں اور ٹانگوں میں اعصاب كی بیماریاں، مختلف سرطان ﴿كینسر﴾ جیسا كہ منہ ، گلا، كھانے كی نالی، بڑی آنت اور پستان۔

علامات

بد قسمتی سے زیادہ تر لوگوں میں جگر كی بیماری كی علامات اس وقت تك ظاہر نہیں ہوتی جب تك كہ وہ كافی بڑھ نہ جائے۔جگر میں درد كے اعصاب كی كمی ہوتی ہے اس وجہ سے زیادہ تر لوگوں كو كوئی درد محسوس نہیں ہوتی۔ اگر درد ہو تو پیٹ كے بالائی اور دائیں حصے میں ہوتی ہے جس سے یہ اندازہ ہوتاہے كہ جگر یا تو بڑھا ہوا ہے یا سوزش زیادہ ہے۔ الكحل كی جگر كی بیماری میں مبتلا لوگ زیادہ تر عام طور پہ محسوس كر تے ہیں كہ وہ ٹھیك ٹھاك ہیںیا ان میں تھوڑی سی تھكاوٹ یا بری صحت كا احساس ہوتا ہے۔ كچھ لوگو ں میں خوراك كی كمی یا متلی دیكھنے میں آتی ہے خاص طور پر علی الصبح اور اكثر اوقات اس كے ساتھ پتلے پاخانے یا دست كی شكایت بھی ہوتی ہے۔جگر كی بیماری كی مخصوص علامات مثلاً یرقان ﴿ آنكھوں اور جلد كا پیلا پڑنا ﴾ كافی بعد میں ظاہر ہوتے ہیں، جب كہ جگر كی سوزش یا سروسس وقوع پذیر ہو چكے ہوتے ہیں اور بعض اوقات جگر كا ناقابل واپسی نقصان ہو چكا ہوتا ہے۔

چربی زدہ جگر

جب كوئی شخص باقاعدگی سے بہت زیادہ شراب نوشی كرے تو جگر پر چربی بیٹھنے لگتی ہے۔ اگر كچھ ہفتے یا مہینے الكحل سے اجتناب كیا جائے تو یہ چربی زائل ہو جاتی ہے ۔بہت سے افراد میں جو كہ شراب نوشی جاری ركھیںگے چربی ان كی زندگی كے دوران برقراررہتی ہے اور اكثر اوقات زیادہ مسائل پیدا نہیں كرتی۔كچھ افراد میں البتہ جگركی سوزش اورسروسس دیكھنے میں آتے ہیں۔

جگر كی سوزش ﴿الكحلك ہیپا ٹائٹس﴾

یہ ایك خطر ناك صورت حال ہے جس میں جگر الكحل كے اثرات كی وجہ سے سوزش زدہ ہو جاتا ہے۔مختلف اشخاص میں علامات مختلف ہو سكتی ہیں۔علامات میں نا آرامی ، متلی، پیٹ میں درد، سخت اورمسلسل یرقان اور بعض دفعہ چند ہفتوں میں موت واقعہ ہو جاتی ہے۔ یہ بات توجہ طلب ہے كہ جگر كی الكحل سے ہونے والی دوسری بیماریوں كی طرح جگر كی سوزش بھی بغیر كسی علامات كے وقوع پذیر ہو سكتی ہے۔

سروسس

عام طور پر سروسس كا آغاز خاموشی سے بغیر كسی خبردار كرنے والی علامات سے ہوتا ہے سروسس دیرینہ اور مسلسل جگر كا ہونے والے نقصان كا نتیجہ ہے۔اگر جگر كو تھوڑی دیر كے لیے نقصان پہنچے تو جگر كے چند خلیے مر جاتے ہیں۔ لیكن جگرمرمت كے ذریعے اپنے ابتدائی حجم اور شكل كو بحال كر لیتا ہے۔ جب سوزش سخت اورمسلسل ہو تو اس كا نتیجہ جگر كے داغ زدہ ہونے كی صورت میں نكلتاہے اور جگرمكمل طور پر بحال نہیں ہوتا۔ جگر كی ہموار اور ملائم بافتیں،بے ترتیب گومڑوں میں بدل جاتی ہیں اور جگر معمول كے مقابلے میں زیادہ سخت ہو جاتاہے۔دا غ زدگی اورگومڑوں كے اس عمل كو سروسس كہا جاتا ہے۔

سروسس ایك ناقابل واپسی صورت حال ہے اس، صورت میں بھی جب شراب نوشی بند كر دی جائے۔حالیہ تحقیق كے حوصلہ افزا نتائج برآمد ہوئے ہیں۔ جس سے سروسس كے عمل كو سمجھنے میں مدد ملی ہے اور داغ زدگی كے عمل كے روكنے كے لیے نئی دوائوں كاامكان پیدا ہو گیا ہے ۔ شراب نوشی ترك كرنا بہرحال فائدہ مند ہے كیونكہ اس سے مزید نقصان كم ہو گا یا رك جائے گا اور ہو سكتا ہے كہ جان بچ جائے ۔سروسس كی علامات مندرجہ ذیل ہیں

نمایاں خط میں لكھے جانے والی علامات كی صورت میں فوری طور پر ڈاكٹر سے رجوع كریں۔ صحت كی عمومی خرابی ،بھوك میں كمی، متلی اور قے، وزن میں كمی ، سخت اور بڑھا ہوا جگر ﴿ڈاكٹری معائنے پر﴾ خارش، چند دوائوں كی تاثیر بڑھ جانا، یرقان۔

خون كی قے

یہ صورت حال خوراك كی نالی كے زیر یں حصے اور معدے كے بالائی حصے میں پھولی ہوئی خون كی رگوں كے پھٹنے سے واقع ہو سكتی ہے۔ اس كی وجہ كچھ یوں ہے كہ نظام انہضام سے خون كو داغ زدہ جگر میں سے گذرنے میں دقت پیش آتی ہے۔

سیاہ تاركول كی طرح كا پاخانہ

خون جب آنت میں سے گذرتا ہے تو جزوی طور پر ہضم ہو جاتا ہے۔جس كی وجہ سے اس كی رنگت سیاہ ہو جاتی ہے۔

اختلال حواس

اس كی وجہ غالباً یہ ہے كہ جگر خون میں شامل سمیات ﴿زہروں﴾كو صاف نہیں كر پاتا ۔ ابتدائی طور پر اس كی علامات خفیف دماغی تبدیلیاں مثلاً كمزوری یادداشت یا بدلے طور اطوار ہو سكتے ہیں۔

پیٹ كا اپھرنا (Ascites) ٹانگوں كی سوجن

یہ پانی كے جمع ہونے كی وجہ سے دیكھنے میں آتے ہیں۔

بخار

بعض دفعہ كپكپاہٹ كے ساتھ ظاہر ہوتا ہے۔سروسس میں مبتلامریضوں كو انفیكشن كا خطرہ زیادہ ہوتا ہے۔مندرجہ بالا تمام علامات دوسری بیماریوں كی وجہ سے بھی ہو سكتی ہیں۔سروسس جگر كی دوسری بیماریوں سے بھی ہو سكتاہے جن كا الكحل سے كوئی تعلق نہیں ۔ اگر آپ ان میں سے كسی بھی علامات كی وجہ سے پریشان ہیں تو ڈاكٹر سے رجوع كر كے ڈاكٹری معائنہ ضروری ہے۔

جگر كا سرطان

بعض لوگوں میں جگر كا سرطان سروسس كے نتیجے میں پیدا ہو سكتا ہے۔

نشانات

ضروری نہیں كہ بیماری كے نشانات ظاہر ہوںہتھیلیوں كا رنگ سرخ ہو سكتا ہے،اوران پر دھبے پڑ سكتے ہیں۔اسی طرح ناخن جزوی طور پرسفیدہوسكتے ہیں، وہ مرد جو شراب نوشی كثرت سے كرتے ہیںان كی چھاتیاں بڑھ سكتی ہیں،پیٹ پھول سكتاہے، جسم پر بال كم ہو سكتے ہیںاور پٹھوں كی طاقت اور حجم كم ہوسكتا ہے۔اگر ڈاكٹر كو جگر كی بیماری كا شبہ ہو تو ہو سكتا ہے كہ وہ آپ كو جگر كے سپیشلسٹ ﴿ماہر﴾ كے پاس بھیجے تاكہ مزید ٹسٹ كیے جا سكیں۔ ان ٹسٹوں میں جگر كے لیے كیے جانے والے خون كے ٹسٹ ، سكین اور اندرون بینی (اینڈوسکوپی) كے ٹسٹ شامل ہیں۔ بعض دفعہ جگر كا نمونہ لینا ضروری ہوتا ہے کے ٹسٹ عام طور پر سن كرنے والی دوائی كے انجكشن كے بعد كیا جاتا ہے۔

بیماری سے بچائو

اگر آپ صحت مند ہیں ، اچھی خوراك كھاتے ہیں تو معتدل مقدار میں الكحل صحت كو نقصان نہیں پہنچاتی۔حكومت برطانیہ نے ایك رپورٹ شائع كی ہے جو كہ الكحل كی مناسب مقدار سے بحث كرتی ہے۔

الكحل كی اكائیاں

الكحل كا ایك یونٹ الكحل كے دس گرام مطلق مقدار پر مشتمل ہوتا ہے۔ مختلف مشروبات میں الكحل كی مقدار ان كی نوعیت پر منحصرہے ہے۔بئیر﴿جو كی شراب ﴾ كے ایك پائنٹ میں دو یونٹ ہوتے ہیں۔مردوں میں تین یا چار یونٹ روزانہ سے زیادہ شراب نوشی صحت كے لیے كافی حدتك نقصان دہ ہو سكتی ہے ۔ چالیس سال سے زیادہ عمر كے مردوں میں ایك یونٹ یااس سے كم الكحل استعمال كرنے سے صحت كو ممكنہ فائدہ ہو سكتا ہے۔ خواتین میں دویا تین یونٹ روزانہ سے زیادہ شراب نوشی بیماری كا باعث بن سكتی ہے۔ایك یا دو یونٹ سے زیادہ شراب نوشی كی صورت میں صحت كو كوئی فائدہ متوقع نہیں۔

الكحل سے اجتناب

زیادہ شراب نوشی كے بعد یہ تجویز كیا جاتا ہے كہ اگلے اڑتالیس گھنٹے تك مزید شراب نہ پی جائے۔

حاملہ خواتین

شراب نوشی كی صورت میں بچے كی صحت متاثر ہو سكتی ہے۔

خاص حالات

كیونكہ ہر انسان كی جسمانی ساخت دوسرے سے مختلف ہوتی ہے﴿صنف، قد، وزن اور موروثی ساخت﴾ان سب كا الكحل اور جسم كے باھم رد عمل پر اثر ہو سكتاہے۔

كچھ صورتیں ایسی ہیں جب شراب نوشی سے مكمل اجتناب كرنا چاہیے ۔مثلاًان لوگوں كے لیے جو كہ بچو ں كی دیكھ بھال كرتے ہیں ڈرائیونگ ﴿گاڑی چلانے سے پہلے یا اس كے دوران ﴾، بلند سطحو ں پر كام كرنا اور مشینوں یا برقی آلات كو چلانااور بعض دوائیاںلینے كی صورت میں شراب نوشی سے پرہیز كرنا لازم ہے۔

علاج

الكحل سے جگر كی بیماری كی صورت میں سب سے اہم مستقلاً ترك شراب نوشی ہے۔چربی زدہ جگر یا جگر كی سوزش كے مرحلے پر جگر مكمل طور پر بحال ہو جاتا ہے۔ حتی كہ سروسس میں مبتلا افراد كو بھی ترك شراب نوشی سے فائدہ ہوتا ہے۔

ان مریضوں كو جنہیںسخت جگر كی سوزش ہو جس كے ساتھ یرقان اور خون كے ركنے میں مسئلہ ہو، ہسپتال میں داخلے كی فوری ضرورت ہوتی ہے۔مناسب یہ ہے كہ یہ افراد كسی جگر كے ماہر ڈاكٹر كی نگرانی میں ہوں۔ان افراد كی شرح اموات تین ماہ میں پچاس فیصد ہے اور انہیں سخت تندہی سے علاج كی ضرورت ہوتی ہے۔ سٹیرائڈ دوائیں ﴿وہ دوائیں جو جسم میں سوزش كوكم كرنے كے لیے استعمال ہوتی ہیں﴾كچھ مریضوں میں استعمال كی جاتی ہیں اور شرح موت كو كم كرنے میں معاون ثابت ہوتی ہیں۔اس بات كا بہت خطرہ ہے كہ اگرشراب نوشی جاری رہے تو جگركا سروسس ظاہرہو سكتا ہے۔بعض دفعہ ترك شراب نوشی بھی مریض كو سروسس كا شكار ہونے سے نہیں روك سكتی۔شراب نوشی كی مقدار كم كرنے سے نقصان كی رفتار اگرچہ كم ہو جاتی ہے،لیكن ختم نہیں ہوتی اگر مجوزہ مقدار سے زیادہ مقدارتك شراب نوشی سالہا سال تك جاری رہے، چاہے اس كی مقدار بہت تھوڑی ہی كیوں نہ ہو،تب بھی سروسس كاامكان ہو سكتا ہے۔عموماً كوئی خبرداركرنے والی علامات دیكھنے میں نہیں آتیں۔

خوراك

متوازن خوراك كا استعما ل كرنا ضروری ہے۔بعض دفعہ اضافی خوراك كی ضرورت ہوتی ہے جو ڈاكٹر تجویز كرتا ہے۔ہو سكتا ہے كہ آپ كا ڈاكٹر اضافی وٹامن ﴿حیاتیات﴾ تجویز كرے، ہو سكتا ہے كہ آپ كا ڈاكٹر آپ كو ماہر خوراك كے پاس بھیجے۔

دوسراعلاج

ان لوگوں كو جن كو شدید نوعیت كی سوزش جگرہو ، ہسپتال میں داخلے كی ضرورت ہوتی ہے انہیں سٹیرائڈ سے علاج كی ضرورت پڑ سكتی ہے۔جن لوگوں كو سروسس ایك مرتبہ ہو جا ئے ان كا كوئی مخصوص علاج ممكن نہیں۔لہٰذا ترك شراب نوشی ہی علاج كا معیاری ذریعہ ہے خاص طور پر اس صورت میں جب كہ سروسس كی مزید پیچیدگیاں ظاہر ہو چكی ہوں مثلاً خوراك كی نالی كی رگوںسے خون كا بہنا، اختلال حواس اور پیٹ كا اپھرنا۔

پیوند كاری

ان لوگوں میں جن كی زندگی كا خطرہ ہو پیوندكاری ﴿ٹرانسپلانٹیشن﴾ ایك ممكنہ علاج ہے۔ اس امر كو طے كرنے میں بہت سی چیزیں قابل غور ہوتی ہیں مثلاً یہ كہ شراب نوشی كا اثر جاری ہے كہ نہیں اور شراب نوشی كی وجہ سے جسم كے دیگر اعضاء مثلاً دل اور دماغ پر اس كا كیا اثر پڑ رہا ہے۔اور یہ بھی كہ مریض ذہنی اور جسمانی طور پر اس بڑے آپریشن كو برداشت كرنے كا متحمل ہو سكتا ہے كہ نہیں۔زیادہ تر افراد میں كم از كم چھ ماہ تك شراب نوشی سے پرہیز كرنا ضروری ہے،اس سے پہلے كہ جگر كی پیوند كاری كی جا سكے۔

شراب نوشی ،اگر آپ كو جگر كی كوئی اور بیماری ہے

اس كا انحصار بہت سی اشیاء پر ہے مثلاً جگر كی بیماری كی نوعیت، شدت اور مرحلہ، اس كے علاوہ آپ كی عمومی صحت ۔ بعض لوگ مجوزہ حدود كے اندر شراب نوشی كر سكتے ہیں۔ بعض صورتوں میں شراب نوشی سے مكمل اجتناب ضروری ہے۔جگركی كسی بھی بیماری كی صورت میں شراب نوشی كے بارے میں سخت احتیاط كی ضرورت ہے كیونكہ اس سے نقصان بڑھ سكتا ہے۔بہت سے لوگوں جگر كی بیماری ہے، شراب نوشی برداشت نہیں كر سكتے اور شرا ب نہیں پیتے۔چند دوسرے افراد محض خاص خاص موقعوں پر تھوڑی مقدار میں شرا ب پیتے ہیں۔اگر آپ كے خیال میں آپ كواس سلسلے میں مشورے كی ضرورت ہے

کاروباری پریشانیاں
جن لوگوں کے کاروبار میں نقصان ہو جائے تو ان حالات میں راتوں کی نیند اڑ جاتی ہے اور ایسے لوگ سکون آور ادویہ کا استعمال شروع کر دیتے ہیں یا کسی عزیز کا انتقال یا محبت میں ناکامی پر غم کو دور کرنے کیلئے بعض افراد سکون آور ادویہ کا استعمال کرتے ہیں اور رفتہ رفتہ عادی ہو جاتے ہیں۔
صدمہ کا نفسیاتی علاج جو اسلام نے بتایا ہے اگر اس پر عمل کیا جائے تو دل کو سکون اور تسلی آ جاتی ہے سرکاردوعالم صلی اللہ تعالٰی علیہ وآلہ وسلم کا ارشاد ہے کہ رنج یا دکھ پہنچے تو کہو اناللہ وانا الیہ راجعون، ان الفاظ میں اس زخم کا مرہم ہے جو صدمہ سے لگا ہو نیز اور بھی ایسی دعائیں کتابوں میں مذکور ہیں۔ کئی ناکام سیاستدان بھی نشے کے میدان میں اتر آتے ہیں۔

بری سو سائٹی
نشہ کے پھیلانے میں برے دوست سب سے بڑا سبب ہیں، جو شخص تمباکونوشی کرتا ہو فضول خرچ اور آوارہ ہو ایسا شخص دوستی کے قابل نہیں۔ اس سے تو کوسوں دور بھاگنا چاہئیے۔ سکولوں اور کالجوں کے علاوہ ہر محلے اور گلی میں بدقسمتی سے ایسے چند نشئی ہوتے ہیں جن کو نشہ کی لت ہوتی ہے یہ اپنے سے کم عمر کے لوگوں کو دوست بنا کر انھیں بھی اس کی رغبت دلاتے ہیں شروع میں اپنے پاس سے یہ مفت نشہ فراہم کرتے ہیں لیکن بعد میں جب دیکھتے ہیں کہ یہ عادی ہو چکا ہے پھر اپنے اخراجات بھی اس کی جیب سے پورے کرتے ہیں۔

جنسی وجوہات
جنسی عیاشی کیلئے نشہ کا استعمال بہت زیادہ کیا جاتا ہے۔ نشہ آور اشیاء چونکہ بےحس کر دیتی ہیں اور ان سے وقتی طور پر امساک بڑھ جاتا ہے اس لئے بعض لوگ ایسی اشیاء کا استعمال کرتے ہیں نیز بعض حکیم بھی جنسی مریضوں کو ایسی ادویات دیتے ہیں ان ادویہ سے ان کے اعضائے جنسی دن بدن نیم مردہ ہو جاتے ہیں اور ان کی جنسی طاقت بالکل ختم ہو جاتی ہے نشہ کے عادی افراد میں ہیجڑے پیدا ہونے کی شرح بہت زیادہ ہے۔

ناسازگار حالات اور ذہنی پریشانیاں
بعض لوگ اتنے حساس ہوتے ہیں کہ ذرا سی بات بھی انھیں بہت زیادہ محسوس ہوتی ہے معمولی پریشانی سے عہدہ برآ نہیں ہو پاتے۔ ہر شخص کو زندگی کے سفر میں قدم قدم پر کسی نہ کسی پریشانی اور الجھن سے واسطہ پڑتا ہے۔ جن لوگوں کی قوت ارادی مضبوط ہوتی ہے وہ بڑے حوصلے کے ساتھ ناسازگار حالات سے عہدہ برآ ہوتے ہیں لیکن نازک طبیعت کے مالک ان پریشانیوں کو ذہن پر سوار کر لیتے ہیں ہر وقت سوچ بچار میں کھوئے رہتے ہیں تنہائی پسند ہو جاتے ہیں اور نشہ آور ادویات میں سکون تلاش کرتے ہیں زندگی سے بیزاری اور موت کی خواہش ان میں پیدا ہو جاتی ہے عملی کام کرنے سے کتراتے ہیں اور نشہ کی دنیا میں اپنا جہاں آباد کر لیتے ہیں جن تعلیم یافتہ نوجوانوں کو ملازمت نہیں ملتی وہ بھی اس مرض کا شکار ہو جاتے ہیں۔

بطور فیشن یا شوقیہ
بعض لوگ دوسروں کو دیکھا دیکھی بطور فیشن نشہ پینا شروع کر دیتے ہیں اور بڑے خاص انداز سے کش لگاتے ہیں اور بڑے فخر سے اپنے ہمنواؤں سے کہتے ہیں کہ آج میں نے اتنی پی ہے۔ اکثر ایسا بھی ہوتا ہے کہ نشہ کا مریض عام آدمی سے اتنے فوائد بیان کرتا ہے کہ دوسرا آدمی بطور تجربہ وہی نشہ استعمال کرنے لگ جاتا ہے۔

تجسس
یہ فطرت انسانی ہے کہ جس چیز سے اسے روکا جائے اس کی کوشش یہ ہوتی ہے کہ وہ کام ضرور کرکے دکھائے ٹی وی پر اشتہارات اور اخبارات کے صفحات پر ہیروئن اور منشیات کا ہر روز تذکرہ سننے سے بعض لوگ اس کے منفی اثرات لیتے ہیں۔ بس یہی سوچ انھیں لے ڈوبتی ہے آج کل چھوٹے بچے بھی نشہ آور چیزوں کے ناموں سے واقف ہیں بعض غیر ملکی فلمیں اس رجحان کو فروغ دیتی ہیں اس لئے بہت سے لوگ محض تجسس کی بناء پر اس کے عادی ہو رہے ہیں۔

والدین کی غفلت
جو والدین اپنی اولاد پر کڑی نظر نہیں رکھتے اپنی اولاد کی مناسب نگرانی نہیں کرتے اولاد کو شتر بےمہار کی طرح چھوڑ دیتے ہیں ان کی اولاد سگریٹ نوشی سے ابتداء کرکے ہیروئن کے سٹیج پر جا پہنچتی ہے بعض لوگ اپنی نشہ کی چیزیں اولاد کے ذریعے منگواتے ہیں جس سے اولاد بھی اس راہ پر چل نکلتی ہے اگر آپ کو اولاد کی زندگی کی فکر ہے تو ان سے سگریٹ بھی نہیں منگوانے چاہئیں وگر نہ کل کو اگر وہ سگریٹ پئے گا تو آپ اسے روک نہیں سکیں گے کیونکہ آپ کا کردار اس کے سامنے ہوگا۔
والدین کا کام جہاں اولاد کیلئے خوارک، لباس اور ان کی دیگر ضروریات پوری کرنا ہے وہاں یہ بھی آپ پر فرض ہے کہ ان کی اخلاقی تربیت بھی کریں وگر نہ وہی اولاد بد اخلاقی اور نشہ کی ذلت میں ڈوب کر ایک دن آپ کے گریبان میں ہاتھ ڈالے گی۔

امراض تنفس
نشی کرنے والوں کی اکثریت امراض تنفنس کا شکار ہو جاتی ہے سگریٹ کے ساتھ ہیروئن کے کش لگانا سونے پر سہاگہ کا کام کرتے ہیں پھیپھڑوں میں زخم اور سانس کی نالیاں تنگ ہو جاتی ہیں افیون چرس اور بھنگ کے عادی افراد کے پھیپھڑوں میں بلغم جم جاتی ہے۔ نالیاں اور پھیپھڑے خشک ہو جاتے ہیں ڈاکٹری ادویہ بھی یہی کام انجام دیتی ہیں۔ ان سے مراد وہ ادویہ ہیں جو بطور نشہ استعمال ہوتی ہیں پھیپھڑوں کی حرکات سست اور لمبے لمبے سانس لینے پڑتے ہیں جسم کو آکسیجن کم ملتی ہے۔
ان منشیات کا استعمال کرنے والے تپ دق، دمہ، برونکائی ٹس اور سانس لینے میں دقت کا سامنا کرتے ہیں ان کے اعضاء تنفس میں زخم ورم اور سوراخ ہو سکتے ہیں جن کی وجہ سے خون منہ یا ناک کے راستے جاری ہو سکتا ہے اور موت چند قدم دور ہو جاتی ہے۔

امراض معدہ اور منشیات
تمام منشی اشیاء معدہ کے گیسٹرک جوس پر برا اثر ڈالتی ہیں اور کچھ منشیات گیسٹرک جوس کی پیداوار کم کرتی ہیں۔ کچھ ایسی ہیں جن سے گیسٹرک جوس کی پیداوار بڑھ جاتی ہے جن سے بدہضمی، سوزش معدہ، زخم معدہ، معدہ کا سرطان، بھوک میں کمی، متلی اور خونی قے کی شکایات پیدا ہو جاتی ہیں بعض نشے قبض اور بعض پیچس لگا دیتے ہیں ہر نشہ کرنے والا معدہ کے ان امراض میں ضرور مبتلا ہوتا ہے۔ وہ لوگ احمقوں کی سوچ رکھتے ہیں جو نشہ کرتے اور اس خوش فہمی میں مبتلا رہتے ہیں کہ ہم آج ان امراض کا شکار نہیں ہوئے کل بھی بچے رہیں گے انھیں یاد رکھنا چاہئیے کہ اگر کسی درخت کے تنے پر روزانہ آری چلائی جائے تو وہ ٹوٹ کر ضرور گرے گی۔ میں نے یہاں نشہ کے ذریعے لاحق ہونے والے جو امراض بتائے ہیں وہ ہر نشہ کرنے والے کو ضرور ہوتے ہیں یہ میرا تجربہ ہے میں نے اپنی آنکھوں سے انھیں ان امراض کا شکار ہوتے دیکھا ہے۔

دماغی امراض اور منشیات
سب سے زیادہ مضر اثرات دماغ پر ظاہر ہوتے ہیں بلکہ پہلی سٹیج میں نشہ کرنے والا دماغی امراض میں مبتلا ہوتا ہے دماغ کی کارکردگی سب سے پہلے سست ہوتی ہے جس سے جسم کے ہر نظام کا فعل سست پڑ جاتا ہے۔ وہ دماغی امراض جو نشہ سے لاحق ہوتے ہیں ان میں نسیان، مرگی، سر چکرانا، نیند میں کمی، مالیخولیا، پاگل پن، سوچنے اور قوت فیصلہ میں کمی قابل ذکر ہیں۔

اعصابی امراض اور منشیات
جسم میں خشکی اور زہریلے مادوں کی کثرت کی وجہ سے، رعشہ، فالج، لڑکھڑاتی چال، حرکت میں سستی اور اعصابی تناؤ پیدا ہوتا ہے۔

امراض جگر اور منشیات
جگر خون بنانے سے قاصر ہو جاتا ہے بہت کم خون پیدا ہوتا ہے۔ خون کی کمی چہرہ کی زردی، یرقان، جگر کا سکڑ جانا یا متورم ہو جانا جیسے امراض پیدا ہو جاتے ہیں۔

منشیات اور جسمانی کمزوری
مریض دن بدن سوکھتا چلا جاتا ہے سردی گرمی برداشت نہیں ہوتی کیونکہ جس آدمی کے پھیپھڑے، دماغ، معدہ اور جگر تباہ ہو چکے ہوں وہ سوکھ کر کانٹا نہیں بنے گا تو کیا ہو گا۔

قوت مدافعت میں کمی
جسم میں بیماریوں کا مقابلہ کرنے کی طاقت نہیں رہتی۔ ایسا مریض بیماریوں کا بہت جلد شکار ہوتا ہے۔ اگر کوئی وبائی مرض پھیلے تو سب سے پہلے نشہ کرنے والے اس کا شکار ہو کر لقمہ اجل بنتے ہیں۔

امراض کا دبے رہنا
نشہ کرنے والے کے جسم میں بعض شدید قسم کے امراض موجود ہوتے ہیں لیکن بےحسی کی وجہ سے محسوس نہیں ہوتے مثلاً اگر کسی کے گردہ میں پتھری ہے تو درد محسوس نہیں ہوتا تب پتہ چلتا ہے جب پتھری بڑی ہو کر پیشاب پر اثر انداز ہوتی ہے اور گردہ میں شدید درد کی لہریں پیدا ہوتی ہیں۔

منشیات اور جلدی امراض
نشہ کرنے والے خارش، چہرے پر جھریاں، جلد کی خشکی میں مبتلا ہو جاتے ہیں۔

گردوں پر اثر
گردے خون سے گندے مادے صاف کرنا کم کر دیتے ہیں اور بعض اوقات گردوں کے مسام بند ہونے کا عمل شروع ہو جاتا ہے پیشاب میں خون آتا ہے۔ گردے فیل ہو جاتے ہیں کبھی پیشاب بہت زیادہ آتا ہے لیکن زیادہ تر پیشاب بننا بند ہو کر موت واقع ہو جاتی ہے۔

نشہ اور نامکمل اولاد
نشہ کرنے والوں کے ہاں جو اولاد پیدا ہوتی ہے وہ دماغی طور پر کند ذہن یا کسی پیدائشی خرابی میں مبتلا ہوتی ہے ان کے بچے کمزور اور مختلف بیماریوں میں مبتلا ہوتے ہیں۔

بینائی میں کمزوری
جسم میں یبوست (خشکی) بڑھ جانے کا اثر آنکھوں پر بھی پڑتا ہے اور نظر دن بدن کمزور ہو جاتی ہے۔ آنکھوں کی حفاظت کرنے والی ضروری رطوبات کا اخراج رک جاتا ہے اور آنکھوں کے مسلز سکڑ جاتے ہیں۔

خانہ بربادی
نشہ کرنے والوں کی بیویاں طلاق لے لیتی ہیں۔ بھائی بہن ساتھ چھوڑ دیتے ہیں اولاد بھی آنکھیں پھیر لیتی ہیں۔ نشہ پر جو رقم خرچ ہوتی ہے اس سے آدمی محلوں سے نکل کر در در کا محتاج ہو جاتا ہے کوئی اس سے بات کرنا گوارہ نہیں کرتا اس ڈر سے کہ کہیں لوگ مجھے بھی نشئی نہ سمجھنے لگے۔

نشہ اور چوری
ہر نشہ کرنے والا عموماً چور ضرور ہوتا ہے کیونکہ کسی کے پاس قارون کا خزانہ نہیں ہوتا کہ بغیر کمائے ہاتھ پر ہاتھ دھرا بیٹھا رہے اور دولت کو نشہ میں لٹاتا جائے اس نشہ کی طلب پوری کرنے کیلئے رقم نہ ملنے کی صورت میں پہلے یہ گھر میں چوری کرتا ہے اور پھر لوگوں کی دکانوں سے چوری چکاری کرنے لگ جاتا ہے۔

جوانی کی موت اور نشہ
عام طور پر نشہ کے عادی نوجوانوں کو مرتے دیکھا گیا ہے شاز و نادر ہی کسی بیماری کے باعث یا حادثہ کی وجہ سے نوجوان مرتے ہیں لیکن اکثریت انھیں کی ہوتی ہے نشہ سے دل، دماغ، جگر، معدہ اور گردوں کو ناکارہ کر دیتا ہے اس لئے انسانی زندگی کی گاڑی ان کے بغیر چلنا محال ہے۔ جس کی وجہ سے نشہ کرنے والے جوانی کی عمر میں مر جاتے ہیں۔ اب ہر ایک نشہ آور اشیاء کے نقصانات کا الگ الگ تفصیلی ذکر ملاحظہ فرمائیں۔

تمباکو نوشی کے بھیانک اثرات
سگریٹ نوشی ایسا دروازہ ہے جو نشہ کی دنیا میں لے جاتا ہے ہر نشہ کرنے والا پہلے سگریٹ پیتا ہے اور بعد میں دیگر نشہ آور چیزوں کا شکار ہو کر موت کے منہ میں چلا جاتا ہے اور ایسے لوگ بھی دیکھنے میں آتے ہیں جو اسی تاسو سگریٹ روزانہ پیتے ہیں ان کی سانس کی نالیوں میں نکوٹین تہہ در تہہ جمی ہوتی ہے اس سے پھیپھڑوں میں زخم پیدا ہوتے ہیں سگریٹ پینے والا آکسیجن گیس کا خاتمہ کرتا جاتا ہے زیادہ نقصان انھیں پہنچتا ہے جو سگریٹ پینے والے کے پاس بیٹھتے ہیں ان کا دھواں ان کے پھیپھڑوں میں جا کر خرابیاں پیدا کرتا ہے اگر ٹی بی والے سگریٹ کا دھواں کسی اور کے پھیپھڑوں میں چلا جائے تو سوچیں اس غریب کا کیا حال ہو گا۔
فی زمانہ ریل، بس، ائیرپورٹ اور تفریحی مقامات پر سگریٹ کے دھوئیں کے مرغولے نظر آتے ہیں اور سگریٹ نوشی سے نفرت کرنے والے مجبور ہوتے ہیں کہ وہ بھی دوسروں کے منہ سے نکلا ہوا مضر صحت دھواں اپنے پھیپھڑوں میں پہنچائیں لٰہذا سگریٹ کی ڈبیوں پر لکھنے کی بجائے عملی طور پر ریل بس اور دیگر عوامی مقامات میں سگریٹ نوشی ممنوع ہونی چاہئیے۔

سگریٹ نوشی کی تاریخ

جنوبی امریکی پیداوار جس کو ہسپانوی باشندہ کولمبس نے 1492ء میں معلوم کیا
1556میں امریکی سرخ باشندوں سے سیکھا۔
 1565امریکہ سے برطانیہ پہنچا۔
 1750پہلا امریکی سگار جنوبی امریکہ میں۔
 1788کارخانہ سگار ہمبرگ
 دوسری جنگ عظیم میں 25 کروڑ سگریٹ روزانہ برطانیہ میں تیار ہوتے تھے۔ اب پوری دنیا میں 150 ارب سگریٹ تیار ہوتے ہیں۔
 دل کے سو مریضوں میں سے 99 سگریٹ نوش ہوتے ہیں۔
 دل کے درد اور سگریٹ نوشی کا گہرا تعلق ہے۔
 برطانیہ میں سالانہ 40 ہزار سگریٹ نوشی کی وجہ دل کی شریانیں سکڑ جاتی ہیں جس کہ وجہ دل کا صحیح دوران خون متاثر ہو جاتا ہے۔

سگریٹ میں دس زہر
 نکوٹین: 20 ملی گرام فی سگریٹ جو مہلک زہر کتے تک جانور کیلئے کافی ہے۔ کتے کو 10 فیصد لوشن 3،4 منٹ میں ہلاک کر سکتا ہے۔
 کاربن مانو آکسائیڈ: دھوئیں میں 2/1 2 فیصد یہ (ہر کلو) خون کے سرخ مادہ میں جذب ہو کر سانس کو روکتی ہے اور زیادتی پر موت واقع ہو جاتی ہے۔
گارسینوجنک: کینسر پیدا کرنے والا 16 کیمیائی مادے اس کے دھوئیں سے جانوروں پر تجزیہ کرنے سے کینسر پیدا کرنا ثابت ہوا۔
بھاپ بن کر اڑنے والا مہلک تیزاب۔
 کربول: یہ بھی مہلک زہر ہے۔ (سانائیڈ)
 سنکھیا: جو سگریٹ سے دھوئیں میں پایا جاتا ہے۔ اگر کسی جانور کو کھلایا جائے تو وہ سر کے بل لوٹ لوٹ کر دم توڑتا ہے۔
امونیا: یہ بھی مضر صحت ہے دم گھٹنے لگتا ہے، پھیپھڑوں کو جلا کر دائمی تکلیف میں مبتلا کرتا ہے۔
کولتار: یہ بھی زہر ہے ایک کلو روزانہ ایک سال تک پینے پر ایک پیالہ کولتار کے مساوی ہے۔ جو مہروں کو جانے والی باریک نالیوں کو مفلوج کر دیتی ہیں علاوہ مہروں کے اندرونی جلد کو بھی نقصان پہنچاتی ہے۔
 فضول اور الکحل: یہ بھی مہلک زہر ہے۔
یہ وہ تمام زہر ہیں جو ایک عام سگریٹ نوش کے جسم میں جذب ہوتے ہیں جو اس کی شاداب اور شگفتہ زندگی کو خشک کر دیتے ہیں خوف، وحشت، کمزوری، ذہنی الجھن، کشمکش، انتشار کا شکار ہو جاتا ہے جو زندہ رہ کر بھی زندگی کو ترستا ہے۔
ہر سگریٹ پینے والا یہی کہے گا کہ اس کا کوئی فائدہ نہیں نقصان ہی نقصان ہے لیکن پھر بھی پئے جا رہے ہیں سگریٹ نوش کو دھواں اڑانے سے وقتی طور پر نفسیاتی سکون ملتا ہے سگریٹ نوشی کیلئے ان لوگوں نے تاویلیں بنا رکھی ہیں کہ اگر چھوڑ دیں تو گیس پیدا ہوتی ہے کھانا ہضم نہیں ہوتا۔ قبض کی شکایت ہو جاتی ہے، سکون ختم ہو جاتا ہے یہ بہانہ بازی ہے نہ چھوڑنے کی نیت ہے وگر نہ سو سگریٹ روزانہ پینے والوں نے بھی یکلخت سگریٹ بند کئے لیکن کوئی خاص رد عمل نہیں ہوا اگر کچھ علامات پیدا ہو جائیں تو ان کا علاج بھی ہو سکتا ہے قبض دور کی جا سکتی ہے گیس کا خاتمہ بھی علاج معالجہ سے ہو سکتا ہے سگریٹ چھوڑنے سے جو علامات پیدا ہوتی ہیں ان کا تو کامیاب علاج ہے لیکن سگریٹ نوشی جاری رکھنے سے جو بیماریاں پیدا ہوں گی کبھی آپ نے غور کیا کہ ان کا علاج کتنا مشکل ہے۔
17 جون 1968ء کو امریکی سائنس دانوں نے کتوں کو سگریٹ نوشی کا عادی بنا کر مصنوعی طور پر ان کو پھیپھڑوں کے امراض میں مبتلا کیا گیا تاکہ “نکوٹین“ تمباکو کے زہر کے اثرات کا مشاہدہ کیا جا سکے۔ امریکی ایسوسی ایشن کانگریس کے بموجب سائنسدانوں نے دس کتوں کا انتخاب کیا۔ کتوں کے انتخابات کی اصل وجہ یہ ہے کہ کتوں کے پھیپھڑے اور عضلات انسانی پھیپھڑوں کے مشابہ ہوتے ہیں۔ کتوں کو روزانہ 12 سگریٹ کا باقاعدہ طریقہ سے عادی بنایا گیا۔ سگریٹ نوشی کا عادی انسان بھی روزانہ اوسطاً اتنے ہی سگریٹ پیتا ہے کتوں نے ابتداء بچوں کی طرح کھانسنا شروع کیا۔ ان کی آنکھیں سرخ ہو گئیں اور وہ بیمار ہو گئے جب انہیں سگریٹ نوشی کے کمرے کی طرف لے جایا جاتا وہ دم ہلا کر اپنی خوشی کا اظہار کرتے تجربہ کے دوران قلب و خون کے امراض میں مبتلا ہو کر اس میں سے پانچ کتے مر گئے اور بقیہ تمام کتوں کے پھیپھڑے متاثر ہو گئے۔ ( ماخوذ از رہنمائے دکن جون 1968ء )
آکسفورڈ یونیورسٹی کے سائنسدانوں کی تحقیق کے مطابق کہ جو لوگ 33 برس سے کم عمر میں سگریٹ پینا چھڑتے ہیں ان کیلئے پھیپھڑوں کے کینسر کا خطرہ 90 فیصد سے زیادہ کم ہو جاتا ہے اور جو لوگ پچاس برس کی عمر میں سگریٹ نوشی کرتے چھوڑتے ہیں ان میں پھیپھڑوں کے کینسر کا خطرہ پچاس فیصد سے کم ہوتا ہے ماہرین کا کہنا ہے کہ اب یہ بات بھی ثابت ہو گئی ہے کہ سگریٹ چھوڑنے کے لئے کسی عمر کی قید نہیں ہے۔ یہ تحقیق انگلینڈ میں آکسفورڈ یونیورسٹی کے سائنسدانوں نے کی ہے جس کے نتائج برطانیہ کے میڈیکل جرنل میں شائع کئے گئے ہیں پھیپھڑوں کے سرطان سے سب سے زیادہ وہ لوگ ہلاک ہوتے ہیں جو سگریٹ نوشی کرتے ہیں اس کے علاوہ 20 سے زائد بیماریوں کا تعلق تمباکو سے بھی ہے جن میں دل کی بیماری اور مثانے کا کینسر شامل ہے اس تحقیق میں بتایا گیا ہے کہ سگریٹ پینے سے پھیپھڑوں کو جو نقصان پہنچتا ہے اس میں کوئی بیماری ایسی ہوتی ہے جس کا کوئی علاج ہی نہیں ہے۔ (بحوالہ روزنامہ خبریں 18 ستمبر 2000ء)
پریس ایشیاء انٹرنیشنل نے برازیل کے ماہرین کے حوالے سے یہ خبر دیتے ہوئے کہا ہے کہ سگریٹ پینے سے جسم میں ایک طرح کا زہر پھیل جاتا ہے جو جنسی لطف اٹھانے میں رکاوٹ بنتا ہے۔ (راہنما شکم مارچ 1982ء )
میٹریا میڈیکا میں ڈاکٹر جیلانی نے تحریر کیا ہے کہ تمباکو سے خون کا دباؤ گھٹ جاتا ہے اور اس کی زیادتی سے (قوما) اور موت واقع ہو سکتی ہے سگریٹ نوشی کرنے سے تب دپ (ٹی بی) کا ڈر ہوتا ہے سانس کی نالیاں تنگ ہو کر دمہ کا خطرہ بھی ہوتا ہے علاوہ ازیں نیند میں کمی واقع ہو جاتی ہے ضعف باہ ہو جاتا ہے جسم میں وٹامنز کی شدید کمی گلے کی سوزش اور معدہ کی نالی میں خراش واقع ہو جاتی ہے۔ امراض قلب اور ہائی بلڈ پریشر کے مریضوں کیلئے تمباکونوشی انتہائی مضر ہے دانت سیاہ ہو جاتے ہیں زبان پر زخم بن جاتے ہیں منہ کے اعضاء یا پھیپھڑوں میں سرطان پیدا ہو جاتا ہے جس سے سگریٹ نوش طبعی موت مرنے سے پہلے مر جاتا ہے سگریٹ پینے والے کا مزاج گرم رہتا ہے گھر میں بیوی بچوں یا ماں باپ سے لڑتا جھگڑتا رہتا ہے اور دفتر میں اپنے ساتھیوں پر سختی کرتا ہے۔ ایسا آدمی معاشرے اور مذہب سے ہٹ کر رہ جاتا ہے اسی وجہ سے کسی کو ملنے ملانے سے کتراتا ہے کہ دوستوں میں بیٹھ کر دھواں چھوڑ دوں گا تو وہ نفرت کریں گے رمضان المبارک کے روزے سگریٹ پینے والے کم ہی رکھتے ہیں کیونکہ سگریٹ کے دھوئیں سے طویل جدائی انہیں برداشت نہیں ہوتی۔ ایسے کم ظرف اور بدقسمت لوگ نماز، روزہ بھی چھوڑ دیتے ہیں سگریٹ نہیں چھوڑ سکتے تمباکونوشی کرنے والا بسوں میں صحیح طور سے سفر نہین کر سکتا کہ جب بھی سگریٹ سلگائی جائے تو عورتیں ٹوک دیتی ہیں کہ ہمیں قے آتی ہے سگریٹ پینا بند کرو اس نامراد سگریٹ کی وجہ سے الٹی سیدھی باتیں سننا پڑتی ہیں۔

سگریٹ چھوڑنے کا طریقہ
سگریٹ چھوڑنے کا طریقہ یہ ہے کہ یکلخت چھوڑ دیں کیونکہ جو ایک ایک کم کرکے چھوڑنے کا کہتے ہیں اس طرح وہ پھر سگریٹ کی مقدار بڑھانا شروع کر دیتے ہیں لٰہذا پختہ نیت اور ارادہ کرکے یکلخت چھوڑ دیں اور اپنے دوست احباب میں تشہیر کر دیں کہ میں نے سگریٹ چھوڑ دئیے ہیں تاکہ دوبارہ پینے کا حوصلہ نہ رہے کہ یہ کیا سوچیں گے کل سگریٹ چھوڑنے کا کہا اور آج پھر پی رہے ہیں سگریٹ چھوڑتے ہی آپ دوسرے سگریٹ نوشوں کو سمجھائیں تاکہ آپ کے جذبات کی تسکین ہو اور سگریٹ کے خلاف مذید نفرت ذہن میں آئے۔ سگریٹ چھوڑنے کے بعد خدانخواستہ اس کی طلب محسوس ہو تو مکئی بھونی ہوئی چبائیں یا چیونگم منہ میں ڈال لیں میٹھی سونف بھی بوقت ضرورت استعمال کریں میٹھی سونف چبانے کا فائدہ یہ ہو گا کہ گیس اور قبض پیدا نہیں ہو گی۔ نیز سگریٹ چھوڑنے کے بعد ذہن میں یہ خوش کن خیالات رکھیں کہ سگریٹ سے نجات پاکر میں نے فلاں فلاں بیماری سے نجات پائی اب میں صحت مند ہوں اور دوسرے آدمیوں کی طرح نارمل ہوں اللہ عزوجل کا شکر ہے کہ بہت بڑی بال سر سے اتر گئی ہے۔
یاد رکھئے سگریٹ چھوڑنے کے بعد کبھی صرف ایک سگریٹ پینے کی کوشش بھی مت کیجئے کیونکہ ایک سگریٹ کے کش لینے سے دوبارہ نئے سرے سے آپ اس کے عادی ہو جائیں گے۔

شراب کے نقصانات
حضور نبی کریم صلی اللہ تعالٰی علیہ وآلہ وسلم نے شراب کے بارے میں دس شخصوں پر لعنت کی۔
(1) بنانے والا (2) بنوانے والا (3) پینے والا (4) پلانے والا (5) اٹھا کر لے جانے والا (6) رکھنے والا (7) بیچنے والا ( 8 ) خریدنے والا (9) مفت دینے والا (10) دام کھانے والا۔ (ترمذی)

امراض معدہ اور شراب
شراب کی وجہ سے معدے کی خطرناک بیماریاں پیدا ہوتی ہیں یہ اس لئے ہوتا ہے کہ یہ خون میں موجود لائیپڈ جو ایک خاص قسم کی چربی ہوتی ہے اس کے استعمال سے تحلیل ہو جاتی ہے یعنی لائیپڈ ایک طرح کی حفاظتی تہہ مہیا کرتا ہے جس پر تیزابیت کا نقصان دہ اثر نہیں ہوتا اور اسی تہہ کی وجہ سے معدہ خود اپنے آپ کو ہضم نہیں کر سکتا اگرچہ یہ فی الحال پوری طرح ثابت نہیں ہوا کہ جس طرح شراب گلے اور خوراک کی نالی میں کینسر کا ذریعہ بنتی ہے معدہ کے معاملے میں بھی ایسا ہی ہے لیکن اس خیال کو تقویت ہوتی اج رہی ہے کہ معدے کے سرطان میں بھی شراب کی کارستانی ہوتی ہے۔

امراض امعاء اور شراب
شراب کا سب سے زیادہ نقصان دہ اثر بارہ انگشتی آنت پر ہوتا ہے اس جگہ نہایت نازک کیمیائی اثرات وقوع پذیر ہوتے ہیں شراب اس کی اس خاصیت کو متاثر کرتی ہے جو مخصوص ہاضم لعاب خارج کرنے کی صلاحیت سے تعلق رکھتی ہے اور اس کی کیمیائی حساسیت پر اثر انداز ہوتی ہے ہاضمہ کیلئے اس اہم راستے کی تباہی کے بعد شراب جگر سے پیدا ہونے والے ہاضم لعاب Bile کے اخراج پر بھی اثر انداز ہوتی ہے تمام شرابیوں کی بارہ انگشتی آنت اور پتہ کی جھلی پمیشہ بیماری کا شکار ہوتی ہیں یا ان کا فعل اکثر صحیح نہیں ہوتا۔ یہ حالت ہر شرابی کو گیس بدہضمی کے ذریعے مصیبت میں ڈالے رکھتی ہے۔ معدے کی یہ تکالیف آنتوں پر بھی اثر ڈالتی ہے۔

امراض جگر اور شراب
انسانی جگر وہ حساس لیبارٹری ہے جو شراب کے ہر چھوٹے سے چھوٹے سالمے کو زہر کی طرح محسوس کرتا ہے جگر پر شراب کا اثر دو طرح سے ہوتا ہے۔
1- شراب خوری کی صورت میں جگر کے خلیے الکحل ختم ہونے کی ذمہ داری میں پوری طرح مصروف ہوتے ہیں اس طرح وہ اپنے دوسرے کاموں کو نظر انداز کر دیتے ہیں۔
2- جگر کے کیمیاوی عمل جو ایک سے ایک بڑھ کر حساس ہوتے ہیں شراب کے بلا روک ٹوک اثر کے تحت درہم برہم ہو جاتے ہیں اس کا نتیجہ یہ ہوتا ہے کہ جگر کو ایک ہی عمل بار بار دہرانا پڑتا ہے اور اس طرح بے پناہ مسلسل اور بال ضرورت محنت اور مشقت سے جگر کی کمزوری واقع ہو جاتی ہے یہ اثرات جگر کیلئے خطرناک نتائج پیدا کرتے ہیں ان اثرات میں زیادہ مشہور جگر کا سکڑنا ہوتا ہے جو اس کا زندہ ثبوت ہوتا ہے کہ جگر کی بربادی مکمل طور پو چکی ہے۔
مذید برآں جگر کی وجہ استطاعت جس کی وجہ سے جسمانی تحفظ کے اعضاء جیسے مختلف قسم کے گلوبین بنتے ہیں شرابیوں میں خطرناک حد تک کم ہو جاتے ہیں اس کا نتیجہ یہ ہوتا ہے کہ ان لوگوں میں بیماریوں کے خلاف مدافعت کم سے کم ہو جاتی ہے۔
شراب بعض اوقات جگر کے فعل کے اچانک رک جانے کی وجہ بھی بن جاتی ہے اس صورت میں ایک شرابی بے ہوشی کے عالم میں ہی مر جاتا ہے اسے جگر کا دیوالیہ پن کہتے ہیں جگر کے سلسلے میں ایک مثال بھی ایسی نہیں ملتی جس میں اس پر شراب کے نقصان دہ اثرات کا ثبوت نہ ملتا ہو۔

گردوں پر شراب کا اثر
انسانی گردے جنہیں دوران خون کے نظام کا آخری مقام سمجھا جائے ان کو شراب کے استعمال سے سخت نقصان پہنچتا ہے۔ اس لئے کہ گردے انتہائی حساس کیمیائی جوہر کی ملاپ Valence کے مقام پر چھلنی کا کام دیتے ہیں لیکن شراب اس نازک عمل کو بھی تہہ و بالا کر دیتی ہے یہ تسلیم شدہ حقیقت ہے کہ وہ شرابیں جن میں الکحل کی مقدار کم ہوتی ہے گردوں کیلئے زیادہ نقصان دہ ہوتی ہیں چنانچہ زیادہ مقدار میں بئیر پینے والوں کے گردے اکثر خراب ہوتے ہیں۔
لمف والے (Lymphatic) نظام کی انسانی جسم میں بے حد اہمیت ہے اس نظام کی خون والی نالیاں شراب کے ہاتھوں ناقابل علاج نقصان اٹھاتی ہیں اس لئے کہ چربی والے نامیاتی مرکب لائیپڈ کا اس نظام میں ایک بہت اہم مقام ہوتا ہے۔ شراب کا نقصان دہ اثر اس حیران کن حد تک حفاظت بہم پہنچانے والے نطام کو برباد کر دیتا ہے۔

امراض قلب اور شراب
جسم میں دوران خون قائم رکھنے والی قلبی نالیوں اور طی اور شریانوں کے امراض میں اضافہ ہو رہا ہے اس کیلئے شراب کے استعمال کا مسئلہ ایک اہم مسئلہ بن گیا ہے۔ اب وہ بات نہیں رہی کہ بیماریاں خال خال نظر آتی تھیں۔ اس بیماری کے آغاز کی کئی وجوہات ہیں، انہیں خطرناک امکانات میں ایک عنصر خوراک، جسم اور خون میں موجود چربی ہے۔ جسم میں زیادہ گرمی پیدا کرنے والے الکحل کی اقسام مثلاً برانڈی اور دہسکی سے انسان کی حرکت قلب بند ہو جانے کے امکانات بڑھ جاتے ہیں۔
تازہ چھان بین کے مطابق چربی کی جو قسمیں خون بھپکنے والی نالیوں میں (شریانوں) کے امراض پیدا کرتی ہے ان میں ٹرائی گلی سیرائیڈ سب سے زیادہ اہم ہے اور یہی مادہ ہے جو الکحل کے استعمال سے خون میں بڑھ جاتا ہے جو الکحل کثیر مقدار میں نوش کئے جاتے ہیں وہ گردش خون کو متاثر کرتے ہیں اور حرکت قلب بند کر دینے کا باعث بن سکتے ہیں عادی اور بھاری مقدار میں شراب پینے والوں میں ایک بیماری پیدا ہوتی ہے جسے الکحولک کار ڈیومایوتھی کہتے ہیں۔

شراب کے اثرات اعصابی نظام پر
شراب سے دماغ پر اتنا برا اثر پڑتا ہے کہ رفتہ رفتہ تمام اعصابی نظام تباہ ہو کر رہ جاتا ہے اس سے سوچنے اور فیصلہ کرنے کی قوت کم ہو جاتی ہے شرابی کی قوت مدافعت کمزور ہو جانے سے عام دوائیں بھی اس پر اثر نہیں کرتیں اس لئے شرابی کو اگر کوئی مرض لاحق ہو جائے تو اس کا علاج نہایت مشکل سے ہوتا ہے۔
شراب عصبی خلیوں کی اس باریک جھلی میں داخل ہو جاتی ہے جو نامیاتی چربی جیسے مرکب یعنی لائیپڈ کی حفاظت میں ہوتی ہے اس کا برا اثر اعصابی نظام کے مراکز پر ناقابل علاج حد تک ہوتا ہے۔ الفاظ کا بھولنا اور ہاتھوں کا رعشہ اس اعصابی نقصان کی نشانیاں ہوتی ہیں شراب میں چربی پگھلانے کی صلاحیت ہوتی ہے تخلیقی خلیوں میں داخل ہو کر ان کے بے حد نقصان پہنچاتی ہیں اس کی عام فہم مثال میں نئی نسل کی ذہانت میں کمی اور ناقص بالیدگی شامل ہیں۔ بہت سے مطالعہ جات اور سروے کے بعد یہ حقیقت ظاہر ہوتی جا رہی ہے کہ ذہنی طور پر غبی بچوں کے والدین اکثر و بیشتر شدید قسم کی شراب نوشی کرتے تھے۔ یہ بھی دیکھا گیا ہے کہ شراب عورت کے غم اور بیضہ حیات کے خلیے کو بہت آسانی سے نقصان پہنچاتی ہے اس کا نتیجہ یہ ہے کہ شرابی ماؤں کے بچے اکثر موروثی طور پر دماغ یا قلبی قدمہ یا جھٹکے کا شکار ہو جاتے ہیں شرابی باپ کی طرف سے ایسے واقعات کی تعداد تیس فیصد سے زیادہ تک ہوتی ہے۔ شراب میں شروع سے جنسی قوت بڑھ جاتی ہے لیکن بعد میں اتنی کمزوری پیدا ہوتی ہے جو باعث ندامت بنتی ہے۔
دنیا اس وقت ایڈز کے خطرے سے لرزاں ہیں لیکن ایڈز کے پیدا کرنے میں شراب اور دیگر نشہ آور چیزوں کا ہاتھ ہے۔

معاشرے پر اثرات
1- مخمور انسان ایسی ایسی عجیب، نازیبا اور انسانیت سوز حرکات کا ارتکاب کرتا ہوا نظر آتا ہے کہ کوئی باوقار انسان انہیں دیکھنا بھی پسند نہیں کرتا۔
2- شرابیوں میں زودرنجی یا غصہ کے فوری حملہ، ان کو معاشرے میں لا تعداد تنازعات میں الجھائے رکھتے ہیں۔ شراب میں بدمست کبھی جوش میں آکر گالیاں بلکہ مرنے مارنے پر اتر آتا ہے۔ کبھی رونے لگتا ہے اور کبھی خوفزدہ ہو کر کانپنے لگتا ہے۔
3- لاتعداد متواتر طلاقیں معاشرے کی بنیادی ڈھانچوں کو ہلا کر رکھ دیتی ہیں اور نتائج میں مجرمانہ ذہنیت کے حامل بچوں کی بڑھتی ہوئی تعداد کی وجہ سے تمام معاشرہ خطرناک حد تک متاثر ہوتا ہے۔
4- مختلف قسم کے کام کرنے والے مزدوروں اور کاریگروں پر شراب کی وجہ سے بے دلی اور کاہلی کا غلبہ ہو جاتا ہے اس طرح ان کی کارکردگی اور مہارت پر برا اثر پڑتا ہے جس کا آخری نقصان معاشرے کو پہنچتا ہے۔
5- شراب کی وجہ سے انسانوں میں ایک دوسرے کی طرف غیر ہمدردی کے اثرات مرتب ہوتے ہیں اس کا نتیجہ یہ ہوتا ہے کہ قومی تفکر، معاشرتی اتحاد اور معاشرتی مسائل کے خلاف جہاد کا جذبہ مکمل طور پر ختم ہو جاتا ہے۔
6- شیطان شراب اور جوئے کے ذریعے انسانوں کے درمیان منافقت اور فساد پیدا کرتا ہے اس لئے خدا تعالٰی نے سورہء مائدہ میں فرمایا “یہ گندے کام شیطانی عمل ہیں پس ان سے بچتے رہو تاکہ تمہاری زندگی اچھی گزرے، گویا یہ کام ہلاکت و بربادی کے موجب ہوتے ہیں۔

ہیروئن کی تباہی
پہلے لوگ افیون اور بھنگ کا نشہ کرتے تھے۔ لیکن اب مارفیا اور ہیروئن نے تباہی مچا رکھی ہے ان چیزوں کی عادت سکولوں کالجوں سے شروع ہوتی ہے ایک بار کسی لڑکے نے کش لگوا دیا اور تمام عمر کیلئے تباہی آگئی دکھ کی بات یہ ہے کہ پہلے لڑکے ان شیاء کو استعمال کرتے تھے اب لڑکیوں نے بھی ان کے شانہ بشانہ چلنا شروع کر دیا ہے۔ جدید نشہ آور اشیاء کے استعمال سے بڑی تیزی کے ساتھ بیماریاں لاحق ہو جاتی ہیں۔
آج کل ہیروئن میں بیرم سلفائیڈ کی ملاوٹ کی جاتی ہے اور یہ کیمیکل اتنا زیریلا اور خراش ڈالنے والا ہے کہ جہاں جہاں اس کا اثر ہوتا ہے یہ خراش ڈالتا ہے۔ یہ بالوں تک کو صاف کر دیتا ہے ہیروئن کے عادی افراد کے پھیپھڑوں میں زخم ہو جاتے ہیں جو کسی وقت بھی پھٹ سکتے ہیں معدہ کی جلد گلنے لگتی ہے خون کی نالیاں پھٹنے سے بعض اوقات نکسیر پھوٹنے لگتی ہے تھوک کے ساتھ خون آنے لگ جاتا ہے۔ دل بدن بدن کمزور ہونے لگتا ہے جو کسی وقت بھی اپنی دھڑکن بند کر سکتا ہے حرام مغز متاثر ہوتا ہے اعصابی بیماریاں پٹھوں کا کھچاؤ یا دماغ میں خون جم جانے سے فالج ہو سکتا ہے۔ جنسی کمزوری لاحق ہو جاتی ہے بلڈ پریشر بھی نارمل نہیں رہتا جسم ٹوٹتا رہتا ہے ہر وقت تھکاوٹ سی رہتی ہے بہت سی بیماریاں جسم کے اندر موجود ہوتی ہیں لیکن بے حسی کی وجہ سے ظاہر نہیں ہوتیں مقدار میں زیادتی کی وجہ سے بعض لوگوں کے سپرم ڈیڈیا ست رو ہو جاتے ہیں اور یہ لوگ اولاد کے قابل نہیں رہتے جسم کی چربی دن بدن پگھل کر ہڈیاں رہ جاتی ہیں جو خون پیدا ہوتا ہے وہ متعفن ہو جاتا ہے گردے پوری طرح خون صاف نہیں کرتے گردوں کی چھلنیاں دن بدن سکڑنے لگتی ہیں آخرکار گردے فیل ہو جاتے ہیں اور پیشاب بننا بند ہوکر موت واقع ہو جاتی ہے۔ معدہ میں زخم ہو جانے کی وجہ سے جلن محسوس ہوتی ہے ہضم کا عمل ٹھیک طور سے نہیں ہوتا پیٹ میں درد رہنے لگ جاتا ہے کھانے پینے کی رغبت کم ہو جاتی ہے پھیپھڑوں کے زخموں کی وجہ سے پھیپھڑوں میں پیپ پڑ جاتی ہے اور سخت کام کرنے یا چلانے سے پھیپھڑے پھٹ سکتے ہیں وہ ہاتھ جو ایک من چیز اٹھاتے تھے دس کلو بوجھ اٹھانے سے قاصر ہو جاتے ہیں۔ (امراض عامہ)

افیون کے خوفناک اثرات
افیون کھانے کے عادی لوگوں کے اعصاب ڈھیلے اور کمزور ہو جاتے ہیں دردسر، بے ہوشی کی سی کیفیت پتلیوں کا سکڑنا خراٹے دار سانس آنے لگتا ہے۔ منہ خشک اور قبض شدید ہوتا ہے۔ سستی، کاہلی، جلد زرد اور خشک رہتی ہے جسم کمزور اور رعشہ ہو جاتا ہے اگر عضلات تنفس مفلوج ہو جائیں تو موت واقع ہو سکتی ہے۔ تشنج اور فالج تو اکثر ہوا کرتے ہیں افیونی کا بیان قابل اعتماد نہیں ہوتا کیونکہ قوی عقلیہ میں ضعف آجانے کی وجہ سے اسے نیک و بد کی تمیز نہیں رہتی۔ بھوک زائل ہو جاتی ہے اور منہ خشک رہتا ہے۔
چنانچہ اس کے استعمال سے آدمی ادہانی خیالات کے سمندر میں غرق ہو جاتا ہے اکثر اپنی دنیا کو بھول کر محض خیالات کی وادیوں میں بھٹکنے لگتا ہے پست ہمتی، اخلاقی گراوٹ، بے شعوری بڑھتی جاتی ہے حتٰی کہ اس کا عادی معاشرہ کیلئے ناسور بن جاتا ہے۔ ان تمام عقل و صحت کی بربادیوں کے علاوہ نقصان مایہ و شماتت ہمایہ کا سبب بن جاتا ہے۔ مالی حالت دن بدن تباہ ہو جاتی ہے حتٰی کہ چوری و ڈکیٹی اور قتل و غارت گری کا مرتکب بن جاتا ہے اسلام کا یہ اصول کہ اس نے یہ تمام مضرت رساں اور بربادکن اشیاء کو جو نہ صرف صحت کا نقطہ نظر سے بلکہ اور بے شمار اعتبارات مثلاً نفسیاتی، اخلاقی، اجتماعی اور اقتصادی لحاظ سے سخت مضرت رساں ہیں ان کو حرام قرار دیتا ہے۔ جو تمام بنی نوع انسانوں پر احسان عظیم ہے۔ فقہائے کرام فرماتے ہیں جو افیون کا عادی ہوگا مرتے وقت اسے کلمہ نصیب نہ ہو گا۔

حشیش کے نقصانات
حشیش بھنگ کو کہتے ہیں اس پودے کی پتیاں ٹہنیاں گھوٹ کر پینے سے نشے کی سی کیفیت پیدا ہو جاتی ہے سر چکراتا ہے اور ہر وقت غفلت سی چھائی رہتی ہے گانجا اور چرس بھی اسی پودے سے حاصل کئے جاتے ہیں وہ بھی اسی قسم کے اثرات مرتب کرتے ہیں البتہ اس کا تمباکو میں ملاکر بھی استعمال کیا جاتا ہے اور اس طرح اور بھی مضر صحت ہو جاتا ہے اس کے استعمال سے خون کی کمی بے ہمتی اور ذہنی انتشار لاحق ہو جاتے ہیں جو بحیثیت مجموعی صحت پر انتہائی برا اثر ڈالتے ہیں اور انسان کی صحیح سوچ اور فکر جاتی رہتی ہے ایسے لوگ بعض اوقات یا وہ گوئی پر اثر آتے ہیں۔ زیادہ مقدار میں استعمال کرنے سے آدمی بے قابو ہو جاتا ہے آخر میں قوما ہوکر موت بھی واقع ہو جاتی ہے۔

بعض ڈاکٹریہ ادویہ
ہماری ہیلتھ پالیسی میں کمزوری کے باعث بہت سی ڈاکٹری ادویہ کا استعمال عام ہاتھوں میں چلا گیا ہے وہ دوائیں جو ڈاکٹری نسخہ کے بغیر ممنوع ہونا چاہئیے تھیں سرعام مل رہی ہیں یہ ادویہ نفسیاتی مسائل سے پیدا ہونے والے ڈپریشن کو دور کرنے کیلئے تجویز کی جاتی ہیں لیکن ان کا بطور استعمال نشہ زیادہ ہوتا ہے اور یہ لوگ اتنی مقدار میں ان کا استعمال کرتے ہیں کہ اپنے لئے ہولناک گڑھا تیار کرتے ہیں۔
ان ادویہ کا نشہ کرنے سے سر میں دائمی درد پیدا ہو جاتا ہے اور بھولنے کی بیماری نسیان پیدا ہو جاتی ہے۔ پیشاب میں غیر طبعی اجزاء خارج ہوتے ہیں ہر وقت وحشت طاری رہتی ہے بعض ادویہ اتنی زہریلی ہیں جو خون کے خلیات کو تباہ کر دیتی ہیں اور زندگی کیلئے خطرہ بن جاتی ہیں۔ بعض دواؤں کے استعمال سے شدید قبض، پیشاب کی زیادتی سینہ کی جلن اور خفقان قلب کے عارضے لاحق ہوتے ہیں خون کے سفید جرثومے کم ہو جاتے ہیں اور یرقان کا خطرہ رہتا ہے دمہ کے مریضوں کیلئے ان ادویہ کا استعمال خطرناک ہے اگر کسی معالج نے اپنی دوکان پر اس قسم کا اشتہار لگا رکھا ہو کہ میرے پاس ایسی دوائی ہے جو رعشہ، قبض، جگر کی خرابی، معدہ کی خرابی، پاگل پن، سر درد، سانس کی تنگی اور نظر میں کمزوری پیدا کرتی ہے اپنی جیبوں کو خالی کرانے اور موزی بیماریوں کے جال میں پھنسنے کیلئے میری دوائی خریدیں تو ہر کوئی جوتا اٹھا کر اس کے پیچھے پڑ جائے گا لیکن حیرت ہے نشہ کے عادی افراد پر کہ جانتے ہوئے بھی ایسی ادویہ کا بکثرت استمعال کرتے ہیں اور اپنی صحت جوانی اور دولت کا ستیاناس کرتے ہیں۔
کسی بھی ڈاکٹر اور طبیب کو ان ادویہ کا نام اپنی کتاب میں درج نہیں کرنا چاہئیے۔ کیونکہ جو چیز عوام کے فائدے کیلئے درج کی جاتی ہے یا جس چیز کا نام بتاکر لوگوں کو ڈرایا جاتا ہے بعض ناعاقبت اندیش لوگ اس کا غلط استعمال کرنے لگ جاتے ہیں۔ جس طرح شروع میں ہیروئن کے نام سے صرف چند افراد واقف تھے لیکن اخبارات ریڈیو اور ٹی وی پر اس کے نام کا اتنی کثرت سے تذکرہ کیا گیا کہ آج ہر بچہ ہیروئن کے نام سے واقف ہے اور ہر کسی کے ذہن میں تجسس پیدا ہوتا ہے کہ ہیروئن کس قسم کی ہوتی ہے دیکھنا چاہئیے اور دیکھنے کے چکر میں لوگ ہیروئن کے عادی ہو رہے ہیں۔

چائے نوشی کے نقصانات
چائے کو میں نے نشہ آور چیزوں کے عنوان میں اس لئے لکھا ہے کہ یہ اندر ہی اندر جسم کو کھوکھلا کر دیتی ہے۔ بچوں اور عورتوں کو خصوصیت سے نقصان پہنچاتی ہے۔
یاد رکھئے چائے کی عادت بھی نشہ آور چیزوں کی طرح کم مضر نہیں بہرحال بغیر کسی ضرورت کے چائے سے اجتناب کرنا چاہیئے۔
کیونکہ معدہ کی جو بیماریاں آج کثرت سے پیدا ہو رہی ہیں ان میں چائے کا بہت زیادہ ہاتھ ہے۔ خصوصاً معدہ میں تیزابیت، جلن اور بھوک کی کمی اس کے نتائج ہیں۔
عرصہ دراز تک استعمال کرنے سے بینائی کو کمزور کرتی ہے۔ خون کو فاسد اور جگر کو متاثر کرتی ہے۔ محرک ہونے کی وجہ سے مثانہ میں گرمی پیدا کرتی ہے اور گردے ضرورت سے زیادہ پانی خارج کرنے لگتے ہیں پسینہ کی کثرت سے نمکیات جلد کے راستے خارج ہوتے ہیں۔ چائے زیادہ پینے سے خون میں غلیظ مادے جمع ہو جاتے ہیں۔ بے خوابی اور دائمی قبض لاحق ہو جاتی ہے بلڈ پریشر اور دل کے مریضوں کیلئے چائے نہایت مضر ہے۔ خونی بواسیر کے مریضوں کیلئے ازحد نقصان دہ ہے تبخیر معدہ کے مریض کو بھی چائے نہایت مضر ہے جریان احتلام اور سرعت انزال بھی پیدا کرتی ہے۔ صحت عامہ کیلئے گھن کا اثر رکھتی ہے۔